Como é sabido por todos e todas, desde Somos Sanxenxo, sempre defendemos unha sanidade pública e de calidade. Aledámonos da petición de pleno extraordinario por parte da oposición con representación no Concello de Sanxenxo, solicitando cuestións tan fundamentais como o reforzo dos nosos centros de saúde coa finalidade de conseguir unha asistencia de calidade nos mesmos.
A situación actual é dantesca: sen poder solicitar citas presenciais, con falta de substitucións do persoal ausente, sen reforzos no verán, e loitando coa falta de mantemento no propio edificio, onde se siguen producindo goteiras (a pesar das "melloras no tellado" no mes de marzo) e inundacións de augas residuais por unha mala conexión nas redes de sumidoiros.
Os veciños e veciñas deste concello merecemos unha sanidade pública de calidade, xente e políticos que a defendan e representantes que leven a cabo os cambios estructurais necesarios.
O martes, 14, ás 9.30h., comezará o pleno. Animámovos a que o presenciedes, ben acudindo ao salón de plenos ou ben pola canle do concello de Sanxenxo en youtube.
A unión é fundamental á hora de buscar solucións a unha cuestión tan importante e fundamental como é a calidade na sanidade pública.
Mary Camiña
Voceira de Somos Sanxenxo
